WORKSHOP

ورشة الـ Order Flow

تقرا الـ Order Flow بنفسك، خطوة ورا خطوة، مع مجموعة.

لمنو هالورشة

  • تعرف الشارت، وجديد على الـ Order Flow.
  • تشوف الـ Footprint والـ Volume Profile بس ما تعرف تقراهم.
  • تتداول عقود Futures، أو عند وسيط مثل XAUUSD وUS500 وUS100. الشرح على ES وNQ وGC، وبكل جلسة تطبيق على شارت الوسيط.

مو لك لو

  • تبي توصيات أو دخولات جاهزة.
  • تبي وعد بربح أو نتيجة.

شنو تتعلم

  1. المكان: السوق مزاد، والـ Volume Profile، وداخل القيمة وبرا القيمة، والـ VWAP.
  2. داخل الشمعة: الـ Footprint، والـ Delta، والـ Imbalance.
  3. ليش السعر وقف: الجهد والنتيجة، والـ Absorption، والـ Exhaustion.
  4. كسر ولا ارتداد، والـ Gamma: شنو تقرا لما السعر يطلع برا المستوى، والـ Gamma من SPX على ES وحدوده.
  5. القراءة الكاملة: وين السعر، وشنو طبيعة الحركة، وشنو صار بالعقود، على مستوى واحد من أوله لآخره.

نمشي على هالخمسة بهالترتيب، وكل واحد يبني على اللي قبله.

شلون تمشي

  • جلسات مباشرة مع مجموعة.
  • بكل جلسة شرح، وبعده نقرا مع بعض شارتات حقيقية من جلسات خلصت.
  • بعد كل جلسة واجب قراءة خفيف، ونراجعه مع بعض بأول الجلسة اللي بعدها.
  • نراجع القراءة بس. ما فيه entry ولا target ولا stop، ولا مراجعة صفقات.

التحليل من بيانات CME وCOMEX. لو تتداول عند وسيط، سعره يختلف عن سعر البورصة، فلازم تحدد الفرق (basis) قبل ما تستخدم أي قراءة أو تحلل أو تدخل أي صفقة. نطبق هالشي مع بعض بالورشة. شلون تحدد الفرق

سجّل اهتمامك بورشة الـ Order Flow

التسجيل اهتمام بس، مو حجز ولا دفع. ولما ينزل إعلان الورشة يوصلك على إيميلك.

وين ساكن؟
علاقتك بالـ Order Flow
شنو تتداول؟ (اختار كل اللي ينطبق)
من وين عرفتني؟

ما نطلب رقم تلفون، وما نبيع إيميلك ولا نعطيه لأحد للإعلانات.

أسئلة

يعني شنو «سجّل اهتمامك»؟

تقول لنا إنك مهتم، بس. ما فيه حجز ولا دفع. ولما ينزل إعلان الورشة يوصلك على إيميلك، وإنت تقرر بعدها.

متى الورشة؟ وبكم؟

إعلان الورشة ينزل كامل: من أي تاريخ لين أي تاريخ، والسعر، وكل التفاصيل. واللي مسجل اهتمامه يوصله على إيميله.

لازم أعرف Order Flow قبل؟

لا. لازم تعرف الشارت بس. الورشة تبدي من «السوق مزاد» والـ Volume Profile.

لازم يكون عندي منصة معينة؟

الورشة تشرح شلون تقرا الـ Order Flow، مو شلون تستخدم منصة. وإذا تحتاج منصة فيها Footprint، ينكتب مع تفاصيل الورشة قبل أي دفع، والاختيار لك.

أتداول XAUUSD عند وسيط، تنفعني؟

إي. القراءة تكون على GC من COMEX، لأن الحجم بشارت الوسيط tick volume، مو عقود حقيقية. وبعدها تنقل المستوى لـ XAUUSD بعد ما تحدد الفرق (basis) بين السعرين بنفس اللحظة. والفرق يتغير، فتشيك عليه قبل كل استخدام، وبالذات بعد الـ rollover.

فيها توصيات أو دخولات؟

لا. الورشة تعلمك تقرا بنفسك. ما فيه entry ولا target ولا stop، وما فيه وعد بنتيجة.

أقدر أسجل من برا الكويت؟

سجّل اهتمامك عادي. شروط الانضمام من برا الكويت للحين تحت المراجعة، وتنكتب بوضوح مع تفاصيل الورشة قبل أي دفع.

شنو الفرق بين الورشة والقناة؟

القناة على Instagram فيها «مستويات اليوم» كل يوم تداول، ومواعيد اللايف والورش: تعطيك المستوى، وتشوف القراءة مع السوق.

والورشة تعلمك شلون تقرا بنفسك، خطوة ورا خطوة: متى القراءة تكون أقوى، ومتى ممكن تخدعك.