سياسة الخصوصية
آخر تحديث: 22 نوفمبر 2026
1. منو إحنا
موقع feashkanani.com يديره فيصل أشكناني. للتواصل عن أي شي يخص بياناتك: [email protected].
2. شنو نجمع
- القائمة البريدية ونموذج «سجّل اهتمامك»: لو سجلت، ناخذ إيميلك واسمك، وتاريخ التسجيل. وبنموذج الورشة ناخذ بعد: وين ساكن (الكويت، أو الخليج، أو غيرها)، وعلاقتك بالـ Order Flow، وأي شي تختاره أو تكتبه بالخانات الاختيارية (شنو تتداول، وسؤالك، ومن وين عرفتني).
- ولما تسجل، نحفظ معاه: من وين وصلت للموقع (مثل Instagram أو TikTok أو إيميل)، ونسخة نص الموافقة اللي علّمت عليها وتاريخها، عشان يكون عندنا سجل بموافقتك.
- ردودك: أي رد ترسله على إيميلاتنا يوصل لنا وينحفظ.
- WhatsApp: الموقع ما يطلب رقمك. بس لو كملت معاي على WhatsApp عن ورشة، يوصلني رقمك، والاسم اللي بحسابك، واللي تكتبه بالمحادثة، مثل أي محادثة WhatsApp.
- أرقام الزيارات: نستخدم Cloudflare Web Analytics. ما يحط كوكيز، وما يتابعك بين المواقع. يعطينا أرقام عامة، مثل عدد الزيارات، وأي صفحة انفتحت، ومن أي دولة، ونوع الجهاز، بدون ما نعرف منو إنت.
- بيانات تقنية: الموقع على Cloudflare، وCloudflare يتعامل مع بيانات تقنية مثل عنوان الـ IP عشان يوصل الصفحة ويحمي الموقع من الهجمات.
3. شنو ما نجمع
الموقع ما يجمع أرقام بطاقات ولا أي بيانات دفع، لأن الدفع مو على هالموقع. والموقع ما يطلب رقم هاتف وما يجمعه: رقمك يوصلني بس لو إنت كلمتني على WhatsApp. وما نجمع موقعك بالضبط.
4. ليش نستخدمها
- نرسل لك الإيميلات اللي سجلت لها: محتوى تعليمي، وأخبار الورش والقناة.
- نجهز الورش على أجوبتكم، ونعرف منو مهتم وبأي وقت.
- نعرف أي صفحات تفيد الناس، ونطور الموقع.
وما نبيع بياناتك، وما نعطيها لأحد عشان الإعلانات.
5. منو يعالج بياناتك معانا
- Resend: الإيميلات تنحفظ وتنرسل عن طريقه. Resend يقدر يسجل إذا انفتح الإيميل أو انضغط رابط فيه.
- Cloudflare: الاستضافة وأرقام الزيارات.
- WhatsApp (من Meta): لو كلمتني عليه عن ورشة، المحادثة تمر عن طريقه وعلى سياسته.
الشركات الثلاث برا الكويت، فبياناتك ممكن تنحفظ أو تنعالج برا الكويت.
6. الدفع والتسجيل
الدفع ما يصير بهالموقع. لو قررت تسجل بورشة، نكمل معاك على WhatsApp، وطريقة الدفع تنكتب لك مع تفاصيل الورشة قبل أي دفع.
7. الكوكيز والتخزين بمتصفحك
الموقع ما يحط كوكيز، لا للتتبع ولا للإعلانات. بس يحفظ شيين بسيطين بمتصفحك، بمساحة مؤقتة اسمها sessionStorage:
- من وين وصلت للموقع، مثل رابط البايو بـ Instagram أو TikTok، أو رابط من إيميل.
- اسمك، لحظة ما ترسل النموذج، عشان صفحة الشكر تناديك باسمك. وينمسح أول ما تنفتح صفحة الشكر.
هالشي يظل بجهازك، وينمسح بروحه لما تسكر الصفحة. وما يوصلنا منه شي إلا لو سجلت بالنموذج، ووقتها يوصلنا من وين وصلت بس. ولو احتجنا كوكيز بيوم، بنحدّث هالصفحة ونطلب موافقتك قبل.
8. روابط برا الموقع
الروابط لـ Instagram (ومنها القناة) وTikTok تفتح مواقع ثانية لها سياساتها الخاصة.
9. كم نحتفظ بالبيانات
نحتفظ بإيميلك لين تلغي الاشتراك. بعدها نشيله من القائمة، ونخلي بس سجل إنه ألغى، عشان ما يوصلك إيميل مرة ثانية. وأجوبة نموذج الورشة نحتفظ فيها لين تلغي، أو 12 شهر من آخر رسالة منك، أيهم أول. ومحادثة WhatsApp تظل عندي مثل أي محادثة.
10. حقوقك
- تلغي الاشتراك بضغطة من رابط موجود بكل إيميل.
- تقدر تطلب نسخة من بياناتك، أو تصحيحها، أو حذفها، برسالة على [email protected]، ونرد خلال 30 يوم.
11. السن
الموقع وقائمة الإيميل لـ 21 سنة وفوق. ولو عمرك أقل، لا تسجل بالنموذج.
12. التعديل
لو تغيّرت هالسياسة، ينكتب تاريخ التحديث فوق. ولو التغيير كبير، نبلغ المسجلين بالإيميل.